රජය විසින් පත් කරන ලද නිලධාරීන් සඳහා භාෂා දෙපාර්තමේන්තුව මගින් දෙවන භාෂා පුහුණු පාඨමාලා රටපුරා පවත්වනු ලැබේ.ඒ අනුව මුලතිව් දිස්ත්‍රික්කයේ මාන්තෙයි නැගෙනහිර ප්‍රාදේශීය ලේකම් කාර්යාලයේ නිලධාරීන් සඳහා සිංහල පුහුණු පාඨමාලාවක් ඊයේ (06) අඟහරුවාදා ආරම්භ කෙරිණි.
සමාරම්භක උත්සවය දිස්ත්‍රික් ජාතික ඒකාබද්ධතා සංවර්ධන සහකාර ඒ. තමරයිචෙල්ව් මහතාගේ ප්‍රධානත්වයෙන් ප්‍රාදේශීය රාජ්‍ය සම්මන්ත්‍රණ ශාලාවේදී පැවැත්විණි.
පාඨමාලාව පැය 150 ක් ආවරණය වන අතර සමාජ සංවර්ධන සංස්ථාව මගින් අරමුදල් සපයනු ලැබේ.
ආරම්භ කෙරෙන පැය 150ක දෙවන භාෂා පුහුණු වැඩසටහන සතියකට දින දෙකක් පැවැත්වෙන අතර සියයට අසූවක පැමිණීම අනිවාර්ය බවද මෙහිදී අවධාරණය කෙරුණා.
ෂන්මුගම් තවසීලන්
