තැපැල් දෙපාර්තමේන්තුවේ මුද්දර කාර්යංශය විසින් සංවිධානය කරනු ලබන “කොළඹ මුද්දර දැක්ම -2019” හෙට සිට 04 වනදා දක්වා උදෑසන 9.00 සිය සවස 6.00වන තෙක් ඩී.ආර්.විජේවර්ධන මාවතේ පිහිටි තැපැල් මූලස්ථානයේදී පැවැත්වෙයි.
මෙම අවස්ථාවේදී මුද්දර එකතුකරන්නන්ට හා මුද්දර සම්බන්ද කැමැත්තක් දක්වන සියළුම දෙනාට පහසුකම් රැසක් ලබාගැනීමට හැකියාව ලැබැයි. ඒ අතරින් විශේෂිතම අවස්ථාව වන්නේ තමන්ගේ,පෙම්වතියගේ,බිරිදගේ,දරුවාගේ හෝ යුවලකගේ ඡායාරූපයක් හෝ යොදා ශ්‍රී ලංකාවේ වලංගු මුද්දරයක් නිර්මාණය කරගැනීමේ අවස්ථාව හිමිවීමයි.
එසේ නිර්මණය කරගන්නා රු.15 මුද්දර 20ක් සදහා රුපියල් 1500කටද,රු.20 මුද්දර 20ක් රුපියල් 2000කටද,රු.25 මුද්දර 20ක් රුපියල් 2500කටද මිලදී ගැනීමේ අවස්ථාව තැපැල් දෙපාර්තමේන්තුව විසින් සපයා ඇත.
