චැපාක් ( Chhapaak) චිත්‍රපටිය සහ ලක්ෂ්මී අගර්වාල්
=============================
2020 වර්ෂයේ ඡනවාරි 10 තිරගත කිරීමට නියමිත මෙිගනා ගුල්සාර්ගේ චැපාක් පුර්ව ප්‍රචාරක වීඩියෝව ඉන්දීය සිනමා ප්‍රේකෂකයන් අමන්දානන්දයට පත්කර ඇත. එය කාන්තාවක් කෙතරම් බලවත් විය හැකිදැයි ප්‍රේක්ෂකයන් කල්පනා කරීමට පොළඹවයි. දීපිකා පදුකෝන් ප්‍රධාන චරිතයට පණ පොවන චැපාක් ඇසිඩ් ප්‍රහාරයෙන් දිවි ගලවා ගත් ලක්ෂ්මි අගර්වාල්ගේ ජීවිතය මත පදනම් වේ. ඇයගේ නිර්භීතකම, සටන සහ අවසානයේ ජීවිතයේ සාර්ථකත්වය පිළිබඳ කතාව මෙම චිත්‍රපටයෙන් විස්තර කෙරේ.
2005 දී වයස අවුරුදු 15 ක් වූ ලක්ෂ්මි ගායිකාවක් වීමට සිහින මැව්වාය. ඇගේ සිහිනය සුවිසල්ය. එබැවින් ඇය ඒ සදහා වෙහෙස මහන්සි වී වැඩ කළාය. එසේ තිබියදී එක් 32 හැවිරිදි මිනිහෙක් ඇයව ලුහුබඳිමින්, ලක්ෂ්මිට විවාහ වීමට යෝජනාවක් ගෙනා අතර ඇය එක හෙලා එය ප්‍රතික්ෂේප කළාය. ප්‍රතික්ෂේපය දරා ගත නොහැකි හේ මාස ගණනාවක් ඇයට හිරිහැර කළ පසු එක් දිනක ලක්ෂ්මි දිල්ලියේ ඛාන් වෙළඳපොළට යමින් සිටියදී අපරාධකරු සහ ඔහුගේ සහෝදරයාගේ පෙම්වතිය ඇයට ඇසිඩ් ප්‍රහාරයක් එල්ල කලෝය. අණතුරුව දිවිගලවා ගැනීමට ලක්ෂ්මි කළ සටන සහ ඉන් පසුව ඇති වූ අරගලය, ඒ අරගල තුලින් දිවි ගලවා ගත් සිය ගණනක් දෙනාගේ ජීවිත වලට ඉදිරියට යාමට ලක්ෂ්මී කල දායකත්වය මෙම චිත්‍රපටියට අනුව විස්තර කරයි. ඇය අඳුරේ සිටින අයට බලාපොරොත්තුවේ කිරණක් වන අතර, බිඳුණු මිනිසුන්ට ශක්තියේ කුළුණකි. The Logical Indian විසින් 2020 ජනවාරි 10 වන දින චපාක් සිනමාහල් වෙත ළඟා වීමට නියමිතව තිබියදී, ලක්ෂ්මි අගර්වාල් සමඟ සම්මුඛ සාකච්ඡාවක් පැවැත්වූ අතර ඉන් ඇයගේ ගමන පිළිබඳ ඔබට ගැඹුරු අවබෝධයක් ලබා ගැනීමට හැකිවෙි යැයි අපි සිතන්නෙමු.
—-
”චැපාක් සමඟ, මිලියන ගණනක් ඉන්දියානුවන් ඔබේ කතාව දැන ගනු ඇත. චිත්‍රපටය ගැන ඔබට හැඟෙන්නේ කුමක්ද ලක්ෂ්මී අගර්වාල් ?”
”ට්‍රේලරයට මෙතරම් විශාල බලපෑමක් ඇති කළ හැකි නම්, චිත්‍රපටයට කළ හැකි දේ ගැන සිතා බලන්න. ඇසිඩි ප්‍රහාරවලින්. දිවි ගලවා ගත් බොහෝ දෙනෙකුට මගේ සත්‍ය චරිතය එසේම වන බව දුටු විට සටන් කිරීමට ධෛර්යය ලැබේවි. චපාක් මිනිසුන් සංවේදී කර, ඔවුන්ගේ අයිතිවාසිකම් පිළිබඳව ඔවුන්ව දැනුවත් කිරීමට සහ සටන් කිරීමට ඔවුන්ව පොළඹවනු ඇතැයි මම බලාපොරොත්තු වෙමි.”
”ඔබේ ජීවිතයේ සාර්ථකත්වය බොහෝ දෙනෙකුට ආස්වාදයක් ලබා දී තියෙනවා. නමුත් සිද්ධියෙන් පසුව ඇති වූ අරගලය ගැන අපට යමක් කියන්න.”
”මට පහර දුන් දා සිට මම ඡීවිතය සමග පොරබදමින් සිටියෙමි. නමුත් මගේ පවුලේ අය මට ශක්තිය සැපයූ අතර මගේ නීතිවෙිදියා මගේ නඩුවට නොමිලේ පෙනී සිටියේය. ඔවුන් මගේ ශක්තියේ ප්‍රධාන කුළුණුයි. මෙි ප්‍රහාරයෙන් පසු මගේ මුළු පවුලම පීඩාවට පත් විය. සිද්ධියෙන් පසු මගේ පියා සහ සහෝදරයා දෙදෙනාම මිය ගිය අතර, මගේ මව සහ මම තනිවීමු. යම්කිසි පහර දෙන්නෙක් පහර දෙන්නේ එක වරකි. නමුත් සමාජය සෑම මොහොතකම පහර දෙයි. ප්‍රහාරයෙන් පසු එම ජීවිතය වේදනාකාරී විය. සමාජය බොහෝ විට කෙනෙකු සියදිවි නසා ගැනීමට තල්ලු කරයි. ඔවුන් ඔබට සලකන්නේ ‘ගොදුරක්’ ලෙස මිස දිවි ගලවා ගත් හෝ සටන්කරුවෙකු ලෙස නොවේ. ඔවුන් ඔබට සහයෝගය වෙනුවට අනුකම්පාව ලබා දෙයි. මෙි සමාඡයෙන් මා කරන එකම ඉල්ලීම නම්, ඔබට ඇසිඩ් ප්‍රහාර වලින් පසුව දිවි ගලවා ගත් අයගේ ජීවිතය පහසු කර ගැනීමට නොහැකි වුවද, කරුණාකර ඔවුනට එය දුෂ්කර කරන්න එපා.”
” ඔබ හිතනවද 2005 ඔබ ඇසිඩ් ප්‍රහාරය ලබපු අවුරුද්දේ සිට 2019 දක්වා වු මෙි කාලය තුල මෙි ක්‍රමය වෙනස් වෙලා කියල ? ”
“දැන් දැන් ඇසිඩ් ප්‍රහාරයෙන් දිවි ගලවා ගත් අය එළිමහනට පැමිණ, ඔවුනගේ මුහුණු පෙන්වීමට පටන් අරන්. ඒවා සටන් බවට පත්වූ පසු මිනිසුන් සංවේදී වීමට පටන් ගත් අතර, එතෙක් ඉන්දියානු සමාඡය ලිංගික හිංසනය, ගෘහස්ථ හිංසනය පිළිබඳව දැන සිටියද ඇසිඩ් ප්‍රහාර ගැන කතා කළේ නැත. එහෙත් 2012 දී නිර්භයා නඩුවෙන් පසුව, 2013 දී ඇසිඩ් ප්‍රහාරයට එරෙහි නීතියක් සම්මත විය. තවමත් ඉතිරිව ඇති ගැටලුව වන්නේ මන්දගාමී අධිකරණ පද්ධතියයි. නඩු සදාකාලික වන අතර මිනිසුන්ගේ බලාපොරොත්තු සිදබිද ගනී. අධිකරණ පද්ධතිය සහ රජය ඔවුන්ගේ කටයුතු වේගවත් කරන යම් දිනයක් වන විට, එවැනි අපරාධ කිරීමට මිනිසුන් බිය වනු ඇතැයි මම විශ්වාස කරමි.”
”ඇසිඩ් අලෙවිය තහනම් කිරීමට ඔබ ගන්නා උත්සාහය ගැන අපට කියන්න.”
”2013 දී ශ්‍රේෂඨාධිකරණය ඇසිඩ් අලෙවිය සඳහා නව සීමාවන් පැනවීය. මිනිසුන්ට බලපත්‍රයක් තිබේ නම් පමණක් ඇසිඩ් විකිණීමට සහ නිසි හැඳුනුම්පතක් තිබේ නම් පමණක් ඒවා මිලදී ගැනීමට අවසර දෙන නීතියක් තිබුණද, මෙම හානිකර ද්‍රව්‍ය තවමත් විවෘත වෙළදපොලේ විකුණනු ලැබේ. පසුගිය වසරේ මම ‘නැවත විකුණන ඇසිඩ්’ නමින් ව්‍යාපාරයක් ආරම්භ කළෙමි. එම වැඩසටහන අතරතුර කිසිදු බලපත්‍රයක් නොමැතිව ඇසිඩ් අලෙවි කරන වෙළඳසැල් කිහිපයක් අපට හමු වූ අතර, පුදුමයට කරුණක් නම්, සාප්පු හිමියන් එසේ කලේ තහනම් කරන නීතිය ගැන පවා ඔවුන් නොදැනයි. මිනිසුන්ගේ ජීවිතවල කැළැල් ඇති කරන මෙම හානිකර අම්ල ලබා ගත හැක්කේ රුපියල් 15-20 අතර ඉතා සුලු මිලකටය. අපි සාප්පුවෙන් සාප්පුවට යන්නට පටන් ගත්තෙමු, සාප්පු හිමියන් සමඟ කතා කරමින්, ඔවුන්ගේ බෙදාහැරීම සමාජයේ වැරදි ලෙස භාවිතා කරන ආකාරය පිළිබඳව ඔවුන්ව දැනුවත් කිරීමට උත්සාහ කළෙමු. සාප්පු ගණනාවක් දැන් ඇසිඩ් අලෙවිය නවතා දමා ඇත. අප කරමින් සිටින්නේ මූලික වශයෙන් රජයක් කල යුතු කාර්යභාරයයි. ජනතාවගේ ආරක්ෂාව සහතික කිරීම සඳහා රජය මීට වැඩි උත්සාහයක් දැරිය යුතුව තිබුණි.”
” චිත්‍රපටියේ සංවාදයක මෙසේ තිබෙි : ‘ඉගෙනීමට දැඩි උනන්දුවක් හා සිය ජීවිතයේ යමෙක් වීමට කැමති ගැහැණු ළමයින්ට පමණක් ඔවුහු පහර දෙති.’ ඒ ගැන ඔබ මොකද කියන්නෙ ? ”
” මට තරුණ කාලේ ගායිකාවක් වෙන්න ඕන වුණා. ඒක තමයි මගේ සිහිනය. ඒ වෙලාවේ තමයි මට පහර දුන්නේ. දිවි ගලවා ගත් බොහෝ කාන්තාවන්ගේ තත්වය මෙයයි. මම හිතන්නේ පුරුෂාධිපත්‍යය තමයි මෙිකට හේතුව. ගැහැනු ළමයෙකුට තනියෙන් සාර්ථකත්වයට හෝ ඔවුන්ගේ ජීවිතයේ ස්වාධීන වීමට ඉඩ දීම සුදුසු නැතැයි ඉන්දියවෙි මිනිසුන් විශ්වාස කරනව. පිරිමින් බොහෝ විට කාන්තාවන් තමන්ට වඩා ඉදිරියෙන් සිටිනු දැකීම දුෂ්කර බව පෙනේ. ඒක නිසා අපි ගෙදරදී මෙි සටන ආරම්භ කළ යුතුයි. අපි අපේ ළමයින් දැනුවත් කළ යුතුයි. කිසිවෙක් කිසිවෙකුට වඩා උසස් හෝ පහත් නොවන බව ඔවුන් දැනගත යුතුයි.”
” චිත්‍රපටියෙ තියෙනව මෙි වගේ තව දෙබසක් ‘ඔවුන් මගේ මුහුණ කැළැල් කර ඇත. එහෙත් ඒ මගේ ආත්මය නොවෙි.’ එය ඔබ ඔබටම පැවසූ දෙයක්ද? සටන් කිරීමට ඔබ මෙි සා ධෛර්යය රැස් කරගත්තේ කෙසේද?”
” මම ඉතා අසීරු කාලයක් පසුකරමින් සිටියදී, මගේ තාත්තා කිව්වා කවදා හරි දවසක මම සාර්ථක වන බවත් මගේ මේ මුහුණට ආදරය කිරීමට මම ඉගෙන ගන්නා බවත්. මගේ අම්මාත් ගොඩක් දුක් වින්දා. ඇයට ඇගේ ස්වාමිපුරුෂයා නැතිවුණා. ඇගේ එකම පුතා නැතිවුණා. ඇගේ දියණියගේ මුහුණට ඇසිඩ් පහර දුන්නා. නමුත් ඇගේ නොබිඳුණු ආත්මය මට ධෛර්යය ලබා දුන්නා. මම කතා කිරීමට විවිධ වේදිකාවලට යන විට, මිනිසුන්ගෙන් මට විශාල ආදරයක් ලැබෙන අතර, එය මා ඉදිරියට ගෙන යයි. මට ලැබෙන සම්මාන මා ඉදිරියට ගෙන යන අතර එවිට මට දිගටම සටන් කිරීමේ හා ඒවා සාර්ථක වීමේ වගකීම පැවරී ඇති බවත් යම් වෙනසක් කළ යුතු බවත් වැටහේ. ඔබට ආදරය කරන බොහෝ අය සිටින අතර ඔවුන්ගේ සතුට රඳා පවතින්නේ ඔබ මත ය. ඔබ සතුටින් සිටින විට, ඔබ ලෝකයට ප්‍රීතිය පතුරුවයි. මම ඉතා ශුභවාදී සහ බලාපොරොත්තුවෙන් සිටින අතර, සෑම විටම නරකම දේ සඳහා සූදානම්ව සිටිමි. මන්ද දුෂ්කරතා පැමිණෙනු ඇති අතර එයට එරෙහිව, අපි සටන් කිරීමට හා වීරයන් ලෙස ඉස්මතු වීමට ඉගෙන ගත යුතුව ඇත.”
(Rohana Wijeweera – Fb page)
