නීතිවිරෝධී ලෙස ශ්‍රී ලංකා මුහුදු සීමාවට ඇතුළු වී මසුන් ඇල්ලීමේ නිරත වූ බවට අඟහරුවාදා (24) අලුයම තලෙයිමන්නාරම මුහුදු සීමාවේදී අත්අඩංගුවට ගත් ඉන්දීය ධීවරයින් 17 දෙනා ලබන 07 වැනිදා (2025-01-07) දක්වා රක්ෂිත බන්ධනාගාරගත කිරීමට මන්නාරම අධිකරණය අඟහරුවාදා නියෝග කළේය.
ශ්‍රී ලංකා මුහුදු සීමාවට ඇතුළු වී ධීවර කටයුතුවල නිරත වූ මෙම ඉන්දීය ධීවරයින් 17 දෙනෙකු තලෙයිමන්නාරම නාවික හමුදාව විසින් අඟහරුවාදා (24) අලුයම අත්අඩංගුවට ගෙන තිබේ.
ධීවර දෙපාර්තමේන්තු නිලධාරීන්ගේ විමර්ශනයෙන් අනතුරුව පස්වරු 1 ට සැකකරුවන් 17 දෙනාම මන්නාරම මහේස්ත්‍රාත් අධිකරණයට ඉදිරිපත් කළ අතර එහිදී මහේස්ත්‍රාත්වරයා මෙම ධීවරයින් 17 දෙනා ලබන 07 වැනිදා දක්වා රක්ෂිත බන්ධනාගාරගත කිරීමට නියෝග කර ඇත.
