මුලතිව් දිස්ත්‍රික්කයේ ඔඩ්ඩුසුඩාන් ප්‍රාදේශීය ලේකම් කොට්ඨාශයට අයත් පනිකන්කුලම් ග්‍රාම නිලධාරී වසමේ පනිකන්කුලම්, කිහවන්කුලම් සහ අනෙකුත් ගම්මානවල සිසුන් 60කට අධික පිරිසක් මාන්කුලම් මහාවිද්‍යාලයේ ඉගෙනුම ලබති. ඔවුන් සහ පාසල අතර ඇත්තේ කිලෝමීටර් දහයක පමණ පරතරයකි.ඒ-9 මාර්ගයේ තමන්ට පාසලට යා යුතු ප්‍රවාහන සේවා රැසක් තිබුණද බස් රථ රියදුරන් සහ ක්‍රියාකරුවන්ට නිසි පරිදි ක්‍රියා නොකරන බවට ජනතාව නිරන්තරයෙන් චෝදනා කරති.
රජයේ සහ පෞද්ගලික බස් රථ මහමඟ ප්‍රවාහනය කළත් පාසල් සිසුන්ව නංවා නොගැනීමෙන් සිසුන් දිගින් දිගටම පීඩාවට පත්වන අතර නියමිත වේලාවට පාසල් ගොස් නිවෙස් බලා යාමට නොහැකිව විවිධ අපහසුතාවන්ට ලක්ව සිටිති.මෙම ගැටළුව විසදා දෙන ලෙස ඉල්ලා ඊයේ (05) වනදා එම ප්‍රෙද්ශ වල සිසුන් එකතුවී විරෝධතාවයක නිරත වූහ.
අදාළ බලධාරීන් විසින් දිගින් දිගටම මෙම ගැටලුව පිළිබඳව බොහෝ දෙනෙකු දැනුවත් කර ඇති අතර මේ පිළිබඳව මාධ්‍ය මගින් කිහිප වතාවක්ම පෙන්වා දී ඇතත් මේ වන තෙක් මෙම ගැටලුව නොවිසඳුණු ගැටලුවක් ලෙස දක්නට ලැබේ.විශේෂයෙන්ම සිසුන්ට පමණක් නොව මාන්කුලම් නගරයට යන මහජනතාවට එම ගම්මානවල වැඩිහිටි ජනතාව සහ රෝගීන් ද බස් රථ ගෙන නොයෑම හේතුවෙන් විවිධ දුෂ්කරතාවලට මුහුණ පා සිටිති.
කෙසේ වෙතත්, 2022.08.22 සිට 26.08.2022 දක්වා උතුරු පළාත් ශ්‍රී ලංකා ගමනාගමන මණ්ඩලයේ නිලධාරීන් පනිකන්කුලම් ප්‍රදේශයේ නිරීක්ෂණ කටයුතු සඳහා යොදවා ඇති අතර එදින සියලුම සිසුන් බස් රථවලින් නංවාගෙන ගොස් ඇති අතර පසුව පසුගිය සතියේ නැවතත් සිසුන් බස් රථවලට නංවා ගත්තේ නැත. රාත්‍රී 8 පසු වුවද බස් රථ ධාවනය නොවීම හේතුවෙන් ඒ-9 මාර්ගය අවහිර කරමින් ඔවුහු විරෝධතාවයේ නිරත වූහ.
මෙයින් පසු එම ස්ථානයට පැමිණි මාන්කුලම් පොලිසිය මාර්ගය විවෘත කරන බවට පොරොන්දු වී පැමිණ පැමිණිල්ලක් කරන ලෙස ජනතාවගෙන් ඉල්ලා සිටි අතර ඔවුන් අධිකරණය හරහා පියවර ගන්නා බවට පොරොන්දු විය.
ජනතාව මාන්කුලම් පොලිසියට ගොස් පැමිණිල්ලක් සටහන් කර ගැනීමෙන් පසු පැයකට පමණ පසු ගමනාගමනය යථා තත්ත්වයට පත් විය.ඊට විසඳුම් නොලැබුණහොත් මාර්ගය සම්පූර්ණයෙන්ම අවහිර කර විරෝධතාවයේ නිරත වන බව ජනතාව පවසා ඇත.
ෂන්මුගම් තවසීලන්
